Интернетта «Өчпочмак суперкайф» исемле видео чыкты. Ул «Татарстан Супергуд» җырының ремиксы буларак ясалган. Бу турыда Malsi Music YouTube каналында хәбәр ителде.
Видео YouTubers Loud Fishing һәм Malsi Music тандемы белән төшерелде. Аның геройлары — хәзерге Татарстан йолдызлары, шулай ук Татарстанның төп символлары — өчпочмак, май, казылык һәм талкыш кәләвә.
Роликта искә алына торган танылган шәхесләре арасында Татарстан Президенты Рөстәм Миңнеханов, Россия вице-премьеры Марат Хөснуллин, фигуралы шуу буенча Олимпия чемпионы Алинә Заһитова, «Тавыш» телевизион тапшыруы җиңүчесе Динә Гарипова, язучы Гүзәл Яхина, җырчы Салават, «Ак Барс» капитаны Данис Зарипов, AIGEL һәм башкаларның исемнәре бар.
Видео ясаучылар үз эшләрен якынлашып килүче бәйрәмгә — Татарстан Республикасы көненә багышлаган.
«Татарстан Супергуд» ның яңа версиясендә хатын-кыз тавышы Татарстанның төп геройларын, илдә һәм дөньяда танылган республика кешеләрен санап чыга», диелә хәбәрдә.
Видеоны Иске Татар бистәсендә һәм Казансу яр буенда төшергәннәр.
