Төркия сәламәтлек саклау министрлыгы хәзерге вакытта илдә COVID-19 коронавирусы пандемиясенең инде икенче тапкыр пик ноктасы башлануы турында белдергән.
Министр Фәхретдин Коджи әйтүенчә, инфекция йоктыру очраклары көнннән-көн күбәя. Ул бигрәк тә Әнкара, Истанбул, Измир һәм Бурса шәһәрләрендә хәлләрнең киеренке булуын искәрткән. Шулай ук көнчыгыш провинцияләрдә дә чир йоктыру очраклары арткан.