Бер атна эчендә көнбагыш маеның бер тоннасы бәясе 74 175 сумга җиткән. Узган атнада майның бер тоннасы хакы шулай ук моңарчы күрелмәгән күрсәткечне – 71 мең сум тәшкил иткән. Бу хакта, авыл хуҗалыгы базарларын өйрәнүче “Совэкон”компаниясе мәгълүматларына таянып, ТАСС хәбәр итә.
Моннан тыш белгечләр көнбагыш бәясе үсүне дә теркәгән. Аның уртача хакы тоннасына 1 375 сумга артып, 30 875 сумга җиткән.
Белгечләр әйтүенчә, моның сәбәбе экспортка чыгарыла торган май бәясенең кинәт кенә өскә “сикерүенә” бәйле. Алар көнбагыш базарында бәяләрнең алга таба да үсүен фаразлый.