Чаллы, Түбән Кама һәм Әлмәттә җәмәгать транспортында юл бәяләре артты.
Бу карарны Татарстанның Тарифлар буенча дәүләт комитеты чыгарган. Әлмәттә автобуста яки троллейбуста бер мәртәбә бару – 25 сум, ә 100 мәртәбә яки аннан күбрәк йөрү өчен озак вакыт кулланыла торган билет белән түләгәндә 20 сум булачак. Түбән Камада һәм Чаллыда трамвайда һәм автобуста юл бәясе 25 сумга җитте, ә 100 мәртәбә яки аннан күбрәк йөрү өчен озак вакыт кулланыла торган билет белән түләгәндә 20 сум булачак. Моңа кадәр бу шәһәрләрдә билет өчен 22 сум түләделәр.
