Казанның «Ак Барс Арена» стадионы янындагы өч машина катнашындагы авариядә бер кешенең гомере өзелгән. Әлеге аварияне күргән кешеләр «Татар-информ»га шуның видеосын тәкъдим иткән.
Социаль челтәрләрдә урнаштырылган роликта «Ак Барс Арена» стадионы янындагы берничә машина катнашындагы авариянең аяныч нәтиҗәләре сурәтләнгән.
Казан шәһәре Дәүләт автоинспекциясендә «Татар-информ» агентлыгына бүген «Ак Барс Арена» стадионы янында булган берничә машина катнашындагы авариянең нечкәлекләре хакында хәбәр иттеләр.
Нәтиҗәдә, «Дэу Джентра» автомобиленең йөртүчесе шунда ук һәлак булган. Моннан тыш, «Вольво» һәм 14нче модельле «Лада»ның йөртүчеләре дә төрле тән җәрәхәтләре алган.
«Башлангыч мәгълүматлар буенча, „Вольво“ шоферы исерек булган», — дип искәрттеләр шәһәр Дәүләт автоинспекциясендә.