Авыл хуҗалыгы өлкәсендә ришвәтчелеккә бәйле 70тән артык җинаять ачыкланган

Быел авыл хуҗалыгы өлкәсендә ришвәтчелеккә бәйле 70тән артык җинаять ачыкланган. Нәтиҗәдә 60 миллион сумнан артык зыян килгән. Бу күңелсез күренешләр Алексеевск, Мөслим, Питрәч, Азнакай, Балык Бистәсе районнарында теркәлгән. Бу хакта “Авыл хуҗалыгы һәм эшкәрмәрлек өлкәсендә ришвәтчелек” дигән темага багышланган “бәхәс клубы”нда Татарстан Президентының Коррупциягә каршы сәясәт мәсьәләләре идарәсендәге коррупциягә каршы тикшерүләр бүлеге мөдире Равия Шрша хәбәр итте.
Белгеч әйтүенчә, күпчелек җинаятьләр фермерларга субсидия, грантлар бирү һәм җиргә бәйле. Әйтик, бер районда үләт базасы сакланган урыннан җир бүлеп бирелгән. Мондый зонада йорт төзергә рөхсәт ителми.
– Ришвәт ике яклы: алучы да, бирүче дә гаепле. Кешеләр җинаять эшләре белән бәйләнмәсен, үзләренең, балаларының киләчәген бозмасын иде. Без аны булдырмас өчен төрле чаралар оештырабыз. Бергә эшләгәндә генә ришвәтчелекне җиңеп була, – диде Равия Шрша.


2 фикер

  1. Куп районда кош-кортлар очен субсидия алганнар, ел бетэ казларны суябыз инде э нигэдер Элки районында субсидия тулэмилэр.Анлата алмассынмы икэн?

    1. Хәерле көн! Сезнең сорауга җавапны республиканың Авыл хуҗалыгы һәм азык-төлек министрлыгыннан алдык.
      Финанслау Татарстан Республикасы бюджетыннан өстәмә акчалар бүлеп бирелгәч башкарылачак. Димәк, сезгә субсидия күчәчәк, ләкин тагын бераз гына көтәргә туры киләчәк.

Фикер өстәү