Без бик матур, 120 хуҗалыклы авылда яшибез. Авылга газ, су кергән, урамга асфальт җәелгән, ул шәһәр яны зонасына керә. Тик 1998 елда электр линиясеннән ут чыгып, яңа салынган клубыбыз янды. Менә инде 22 ел клубсыз яшибез. Элекке еллардагы кебек, яшьләр өчен кичке уеннар, авыл бәйрәмнәре, җитәкчеләр белән җыелышлар, концертлар бетте. Хәтта балаларның көтеп алган Чыршы бәйрәмен күрү мөмкинлеге дә юкка чыкты. Бүген бездә бәйрәмнәр ничек уза соң? Узган ел, мәсәлән, Җиңү көненә багышланган митинг яхшы хәзерлек белән оештырылган иде. Тик өлкәннәр бәйрәм беткәнче, урамда таякларына таянып, бик авырлык белән басып карарга мәҗбүр булдылар. Быел үзара салым акчасын җыю буенча җыелыш ФАПта узды. Бар халыкны шул кечкенә бинага кертеп тутырдылар. Авылыбыз бик зур булмаса да, клуб төзеп чыгу мөмкин булмас микән? Авылда бер җыелу, аралашу урыны булырга тиештер бит? Дөрес, күрше Күзкәй авылында клуб бар. Ләкин авылдагыларның күбесе өлкән яшьтә булуын искә алсак, анда бару җае юк.
Разия әбиегез. Тукай районы Яңа Байлар авылы
Татарстан Мәдәният министрлыгы матбугат үзәге:
– 200 кеше яши торган Яңа Байлар авылы Күзкәй авыл җирлегенә керә. Күзкәй авылында 700 кеше тора. Бу авылның мәдәният йорты 400 урынга исәпләнгән, биредә үк авыл китапханәсе дә бар. Әлеге клуб Яңа Байлар авылына да хезмәт күрсәтә. Авыллар арасы – нибары 2 чакрым. Закон буенча, 500гә якын кешесе булган авылларда һәр 100 кешене 20 урын белән тәэмин иткән мәдәни-ял итү учреждениесе булырга тиеш. Димәк, Яңа Байлар авылы халкы өчен 40 урын булуы шарт. Күрше авылда җитәрлек урыннар булганлыктан, монда клуб салу каралмаган.
Фото: https://www.kino-teatr.ru/
АнонимБу хэтле булган уннган туташ!алдагы конендэ унышлар телим.басыда узнай гына була курсен.гомерен бэхетле. Бэхетен гомерле булсын яраббым!Альбина Фазлыева: «Ике шатлыклы яңалыгым бар»
Загрузка ...
