Узган тәүлектә коронавирус инфекциясе 90 кешедә табылган. Дүшәмбедән ковидтан мазок анализын тагын бер лабораториядә тикшерә башлаганнар. Республика мәктәпләрендә иртәнге фильтр вакытында 75 укучыны дәрескә кертмәгәннәр. Бу хакта Роспотребнадзорның Татарстандагы идарәсе матбугат үзәге җитәкчесе Миләүшә Җамалиева җиткерде.
Республика буенча алганда 17 сыйныфта укулар вакытлыча туктатылган. Аларның 15е – Казан, берәр очрак Кукмара һәм Әгерҗе районнарына туры килә. Әлегә тулысынча карантинга ябылган мәктәпләр юк. Белгәнебезчә, сыйныф укучыларының 20 проценты тирән тын юллары вируслы чирләре белән авырганда сыйныфта укулар туктатылып тора. Уку елы башыннан коронавирус инфекциясе белән 47 укучы, 52 студент, 107 укытучы авырган.
Роспотребнадзор хезмәткәрләре бу көннәрдә кунакханәләрне һәм хостелларны тикшерә. Тикшерү ике атна дәвам итәчәк икән. Аннан соң зур сәүдә үзәкләрендә шундый тикшерүләр булачак. Республиканың 30дан артык югары уку йортында тикшерүләр узуын язган идек инде. Аларның 14ендә санитария таләпләре үтәлмәве ачыкланган һәм административ эш ачылган.
Ноябрь азагында Татарстанга Новосибирскиның “Вектор” үзәгендә эшләнгән коронавирус инфекциясеннән вакциналар сынау җәһәтеннән кайтарылды. Республика бу уңайдан биш төбәк арасында пилот проектта катнаша. Россия буенча әлеге сынауны үтәргә 4 меңнән артык кеше теләк белдергән, алар арасыннан 3 мең кеше сайлап алынган. Татарстаннан 650 кеше сынау үтмәкче. Байтагы мәгариф тармагында эшләүчеләр һәм Роспотребнадзор идарәсе хезмәткәрләре. Татарстан сәламәтлек саклау министры урынбасары Владимир Жаворонков әйтүенчә, “ЭпиВакКорона” вакцинасы махсус транспортта кайтарылган. Аны 2-8 градус салкынлыктагы туңдыру камерасында саклыйлар. Күмәк рәвештә вакцинацинацияләүгә кайчан керешәчәкләре әлегә билгеле түгел.
Фәния Арсланова
Фото: https://yandex.com/news/story/
МарианнаУжастик и все.«Гомер итүебезгә 60 ел, безгә акча тиешме?»
Загрузка ...
