Соңгы елларда Яңа елга чын чыршы сатып алучылар кимегән. Экологияне кайгырту белән бергә, акча чыгымын киметү омтылышына да бәйле бу. Тик өйдә ясалма чыршы пәйда булуның да зыяны булырга мөмкин: аллергиягә охшаш борын тыгылу, төчкерү, күзләрдә кычыту-ялкынсынуга китерергә мөмкин.
Организм чыршыга энәләре коелмасын өчен сиптерелгән матдәләрне күтәрә алмый – шуңа шулай. Табиб-аллергологлар әйтүенчә, мондый хәл килеп чыкмасын өчен ясалма “сылукай”ны өй түренә кертеп урнаштырганчы, иң элек су бөркеп, аны юып алу, аннан инде бүлмәне ешрак җилләтеп тору кирәк. Ә менә чып-чын урман “гүзәле” бик-бик сирәк очракларда гына аллергия белән янарга мөмкин икән.
Ясалма чыршы көнкүреш “химия”сеннән һәм өйдәге тузаннан болай да гел зыян күреп торучы органнарның лайласыман тышчасына тагын да ныграк китереп “суга”. Әмма организмның чыршыга сиптерелгән матдәргә сизгерлеген аллергия дип санарга ярамый, дигән аллерголог-иммунолог, медицина фәннәре кандидаты Елена Тимошина “РИА Новости” хәбәрчесе белән әңгәмәсендә. “Кемнәрнеңдер организмы ясалма материалларны бик тиз сизеп алырга мөмкин, әмма бу аллергия түгел, ә борын, күзләрнең лайласыман тышчасы артык сизгер булуга гына бәйле. Чынында болай да бигүк сәламәт булмаган лайласыман тышчаны тагын да күбрәк тынгысызлау гына бу. Әмма мондый кешеләргә барыбер табибка күренеп. тикшеренүнең артыгы юк”, – дигән ул. Шуңа күрә, аның әйтүенчә, Яңа ел “сылуын” урнаштырганчы, су бөркеп, саклык белән генә югалап алырга (тик бу очракта инструкциясендә су тидерүнең зыян салмавы күрсәтелгән булырга тиеш), чыршылы бүлмәне ешрак җилләтеп торырга кирәк.
Ә менә чын чыршының аллергия китереп чыгаруы бик сирәк күренеш икән. Белгеч әйтүенчә, серкәләнү вакытында – яңа күркәләре барлыкка килгәндә генә чыршы ниндидер дәрәҗәдә аллергия белән янарга мөмкин. Әмма бу җәй көне була торган хәл. Әле анда да ылыслы агачларның серкәләре, әйтик, каен яки зирекнекенә караганда авыррак, шуңа әлләни очмый. Ә инде кышын агач аллергиядән интегүчеләргә бөтенләй дә бернинди кыенлык тудыра алмый.
Фото: pixabay.com
Ханнанова ЭльмираЛяля Рамазановнанын тортлары хэм ижади унышлары ,кондитер осталыгы Ватаным Татарстан газетасына яналык булып бик лаек язарга!)Кондитер остасы Ләлә Фәйзуллина: «Беренче тортымны 8 яшьтә пешердем»
Загрузка ...
