Республика ярдәм фонды бөлгенлеккә чыккан «Татфондбанк» һәм «Интехбанк» клиентларына 2 миллиард сумнан артыграк акча түләгән. Шулай итеп, 3 меңнән артыграк кеше югалткан акчасын кире кайтаруга ирешкән инде. «Фонд 6 меңнән артыграк кешегә ярдәм итүгә алынды.
Бүгенгә аларның яртысына хәләл акчалары тулысынча кире кайтарылды», – дип хәбәр итә фондның матбугат хезмәте.
Сүз уңаеннан, Республика ярдәм фонды, Хөкүмәт тәкъдиме белән, 2017 елның 29 маенда оештырылды. Бу – Россиядә тиңе булмаган социаль проект. Аның әле тагын 662 миллион сумлык ярдәм күрсәтүе күздә тотыла. Шулай итеп, ярдәмнең гомуми күләме 2,7 миллиард сум чамасы тәшкил итәчәк.
Телеграмда безнең каналга кушылыгыз: https://t.me/vatantat