ТНВ
«Яңа Гасыр» маҗараларга чакыра.
– Тамашачылар өчен Яңа ел киченә мавыктыргыч «Яңа ел маҗаралары» әзерләдек. Анда катнашучыларны төрле хәлләр, сынаулар көтә. Әлеге маҗаралар җырлар белән үрелеп барачак. Бәйрәм көннәрендә кызыклы музыкаль программа тәкъдим ителә. Программада юбилей концертлары да бар, – диде телерадиокомпаниянең башкарма директоры урынбасары Данил Гыйниятов.
Туган тел
«Туган тел» каналының Казан филиалы директоры Миләүшә Сибгатуллина әйтүенчә, алар һәр елдагыча милли асылыбызга басым ясый:
– Яңа ел төнендә халкыбызның гореф-гадәтен күрсәтергә ниятлибез. Ул «Яңа ел туе» дип аталачак. Анда татарлар, башкортлар өчен уртак йолабыз – никах күрсәтелә. Чынбарлыкта ничек, шулай тасвирларга тырыштык. Ял көннәрендә балалар өчен дә бәйрәм тамашасы әзерләдек.
Мәйдан
Яңа ел төнендә «КунакБит Шоу» тапшыруы күрсәтелә. Ул 8 гыйнварда кабат эфирга чыга. Чыгарылышның төп кунагы – автор-башкаручы Гүзәлия. Элвин Грей да катнаша. Ә бәйрәм көннәрендә «Ачыктан-ачык» һәм «КунакБит Шоу»ның иң яхшы тапшырулары кабатлап күрсәтеләчәк.
TMTV
Канал һәр тапшыруында Яңа ел кәефен чагылдырырга тырыша. Ун көн дәвамында татар эстрадасының иң күркәм концертларын күрсәтәчәк. 31 декабрь кичендә канал үзенең кабатланмас проекты – «Яңа йолдыз» тапшыруының гала-концертын, аннары «Яңа ел кичендә» концертын тәкъдим итә. Ял көннәрендә исә «Яшьлек тавышы», «Балалы солянка», «Тәмле көрәш», «Музыкаль каймак»ларның иң яхшы чыгарылышлары күрсәтеләчәк.
Фото: vladtime.ru
Ханнанова ЭльмираЛяля Рамазановнанын тортлары хэм ижади унышлары ,кондитер осталыгы Ватаным Татарстан газетасына яналык булып бик лаек язарга!)Кондитер остасы Ләлә Фәйзуллина: «Беренче тортымны 8 яшьтә пешердем»
Загрузка ...
