Беренче тапкыр Бөекбританиядә табылган коронавирусның яңа штаммы тагын да куркынычрак санала. Шул ук вакытта балаларда аның сиптомнары – башкачарак, дип белдергән сәламәтлек саклау өлкәсендәге белгечләр. Бу хакта Express хәбәр итә.
Басмада билгеләп үтелгәнчә, яңа штамм йоктырган балаларның күпчелегендә хәлсезлек, талчыкканлык күзәтелә, алар үз эченә бикләнеп калгандай була. Нарасыйлар исә тыела алмыйча елый.
Чирләүче балаларның яртысыннан артыграгы баш авыртудан җәфалана. Шул ук вакытта эчләре дә авыртырга мөмкин икән. Шуңа күрә табиблар ата-аналарга балаларының бер үк вакытта башы һәм эченең дә авырту-авыртмавын ачыкларга киңәш итә.
Чирнең тагын бер билгесе – тән температурасының 37 градустан югарырак булуы. “Британия штаммы” йоктырган балаларның яртысында диярлек шушы симптом күзәтелгән. Моннан тыш тамак авырту да бала организмына инфекция эләгү турында сөйли.
Моннан тыш чирләүче балаларның 35 проценты чамасы ашаудан кала. Белгечләр әйтүенчә, бу хәл бигрәк тә бер яшькә кадәрге сабыйларга хас.
МарианнаУжастик и все.«Гомер итүебезгә 60 ел, безгә акча тиешме?»
Загрузка ...
