Язын Дәүләт Думасына 9нчы сыйныф укучылары өчен уйлап табылган төп дәүләт имтиханын (ОГЭ) бетерү турында закон проектын карап тикшерүгә кертү күздә тотыла. Бу хакта Дәүләт Думасының Мәгариф һәм фән комитеты рәисе Максим Зайцев белдергән.
“Известия” хәбәр иткәнчә, беренче этапта бу имтиханны тугызынчы сыйныфтан соң мәктәптән китәргә теләүчеләр өчен калдырырга мөмкиннәр. Алга таба исә депутатлар ОГЭны бөтенләй бетерү ягында.
– Беренче этапта, тугызынчы сыйныфтан соң мәктәптән китеп, конкурс нигезендә махсус уку йортларына керергә җыенучылар өчен ОГЭ калдырылырга мөмкин. Киләчәктә исә аны тулысынча бетерү күздә тотыла, – дигән Максим Зайцев.
Закон проектын Дәүләт Думасына быел март яки апрель аенда карап тикшерүгә кертү планлаштырыла.
АнонимБу хэтле булган уннган туташ!алдагы конендэ унышлар телим.басыда узнай гына була курсен.гомерен бэхетле. Бэхетен гомерле булсын яраббым!Альбина Фазлыева: «Ике шатлыклы яңалыгым бар»
Загрузка ...
