2020 елда Татарстанда ике йөздән артык яшь гаилә социаль ипотека шартларында яңа торакка ия булган.
Бу хакта Татарстанның Яшьләр эшләре буенча министрлыгы коллегиясенең йомгаклау утырышында Дамир Фәттахов хәбәр итте.
— 2020 елның тагын бер мөһим нәтиҗәсе — Татарстан Президенты ярдәме белән гамәлдәге социаль ипотека программасы кысаларында «Яшь гаилә» дип аталучы аерым категория барлыкка килүе. Хәзер һәр яшь гаилә бу программада катнаша ала, — диде ул.
Алты ай эчендә аны тормышка ашыру максатыннан республикада яшәүче 1000нән артык яшь гаилә гариза биргән, ә 212 яшь гаилә социаль ипотека шартларында яңа торакка ия булган.
Телеграмда безнең каналга кушылыгыз: https://t.me/vatantat