Җырчы Илсөя Бәдретдинованың бертуган апасы Лилия Гыйльманова вафат булган. Бу хакта җырчы инстаграмда хәбәр итте.
— Урының оҗмах түрләрендә булсын, апай! Барыбызга да үрнәк булдың, сабыр канатым минем! — дигән ул.
Лилия ханым яман чир белән көрәште. Кызганыч, авыру көчлерәк булып чыкты. Аңа 51 яшь иде, улы һәм кызы ятим калган. Илсөя Бәдретдинованың кайгысын уртаклашабыз.
Илсөя Бәдретдинова: «Шап итеп җиргә төштем. Диагноз куйдылар…»