3–7 яшьлек балалары булган гаиләләргә өстәмә рәвештә 55 млрд сум акча бүлеп бирелгән. Бу хакта Россия Премьер-министры Михаил Мишустин белдерде. Министрлар Кабинеты утырышында билгеле булганча, моңа кадәр 3–7 яшьлек балалары булган гаиләләргә түләү өчен 200 млрд сум бүлеп бирелгән иде. Бу суммага тагын 55 млрд сум кушылачак.
Михаил Мишустин әйтүенчә, балаларга түләнәчәк акча, гаилә хәленә карап, төбәктәге яшәү минимумының 50, 75 яки 100 проценты күләмендә булырга мөмкин. Татарстанда бу сумма 9 995 сумны тәшкил итә.
