Бүген коронавирустан прививка ясаткан кешеләр арасында үткәрелгән лотереянең беренче 500 җиңүчесе билгеле булачак. Аларның һәркайсы 100 мең сум күләмендә акча алачак. Бу хакта Россия Хөкүмәте Telegram-каналында хәбәр ителә.
Лотерея нәтиҗәләрен бонусзаздоровье.рф сайтына кереп, шулай ук дәүләт хезмәтләре порталындагы шәхси кабинеттан тикшерергә мөмкин. Мобиль кушымтада теркәлгән кешеләр push-хәбәр алачак.
Откан акча дәүләт хезмәтләренә беркетелгән «Мир» картасына автомат рәвештә күчереләчәк.
«Акча лотерея үткәрелгән көннән соң ярты ел эчендә түләнәчәк», — диелгән хәбәрдә.
Тагын 500 җиңүченең исеме 14 октябрьдә билгеле булачак.