Казан метрополитенының икенче линиясенең беренче участогы төзелешенә Татарстан бюджетыннан тагын 999,1 млн сум акча бүлеп бирелгән. Бу дәүләт сатып алулары сайтында урнаштырылган тендердан күренә.
Подрядчыны 25 октябрьдә билгеләү планлаштырыла. Контракт буенча эшләрне тәмамлау срогы 2022 елның 1 мартына куелган.
Эшләрнең заказчысы — ТР Баш төзелеш оешмасы, генераль проектчысы — «Татинвестгражданпроект».
«Татар-информ» мәгълүмат агентлыгы элек объектның гомуми бәясе 41,1 млрд сум тәшкил итүен хәбәр иткән иде. Быел 1,7 млрд сумлык өч аукцион узды инде. Метроның икенче линиясен төзү буенча барлык эшләрне тәмамлау срогы 2027 елның августына билгеләнгән.
