Мәктәп укучыларына 10000 сум акча алу өчен әлегә кадәр гариза тапшырмаган ата-аналар 2021 елның 31 октябренә кадәр мөрәҗәгать итә ала. Бу хакта Пенсия фондының Татарстан бүлекчәсе хәбәр итә.
Гаризаны 6 яшьтән 18 яшькәчә балалары булган гаиләләр балага 6 яшь 2021 елның 1 сентябренә кадәр, ә 18 яшь 2021 елның 3 июленнән соң тулган очракта яза ала.
Әлеге түләү укуларын гомум белем бирү программасы буенча дәвам итүче 18 яшьтән 23 яшькәчә инвалидларга hәм сәламәтлекләре чикле гражданнар өчен дә каралган. Балаларның һәм ата-аналарның, уллыкка алучы яисә попечительләрнең Россия гражданнары булулары һәм Россия территориясендә яшәүләре дә төп шартларның берсе булып тора.
“Акча әлеге яшь аралыгындагы балаларга гаиләнең кеременә бәйсез рәвештә билгеләнә һәм социаль ярдәмнең башка төрләнең билгеләгәндә исәпкә алынмый, гаризада күрсәтелгән счетка күчерелә. Акча ул Россия терриясендә гамәлдә булган теләсә кайсы түләү системасының банк картасы яисә карточкасыз счет (саклык кенәгәсе) булырга мөмкин,” – дип билгеләп үтте Россия Пенсия фондының Татарстан бүлекчәсе башлыгы Эдуард Вафин.
