Бүген Бөтендөнья сәламәтлек саклау оешмасы (ВОЗ) ЮАР һәм Ботсванада ачыкланган коронавирусның тиз таралучы яңа штаммы табылу сәбәпле гадәттән тыш очрашу үткәрә. Бу хакта “РИА Новости” дөнья матбугаты хәбәрләренә таянып яза.
Моңа кадәр Бөекбритания галимнәре Ботсванада коронавирусның 32 мутация китереп чыгаручы яңа штаммының пәйда булуы турында кисәткән. Мутацияләрнең күбесе бик тиз таралу сәләтенә ия булуын һәм вакциналарга бирешмәүчәнлеген күрсәтә икән. ЮАР илкүләм институты да илдә яңа штамм ачыклануын, бүгенгә 22 очрак ачыклануын раслаган.
ВОЗ белгечләре бу штаммның, чыннан да, куркыныч тудырырлыкмы, әллә инде кызыксыну тудырырлыкмы гына икәнен ачыкларга тырышачак.
