Артем Силкин, «Зөя утрау-шәһәрчеге» музей-тыюлыгы директоры:
– Югары вазыйфаларны биләгән кайбер кешеләрдә башкаларга карата тәкәббер караш, бүтәннәрне санга сукмау күзәтелә. Минтимер Шәриповичта бу юк. Ул – кешеләр белән сөйләшүдән курыкмый торган, ә, бәлки, ярата торган шәхес. Минтимер Шәрипович белән аралашудан кешеләр дә күп нәрсә ала. Җитәкче кеше буларак, аңа да халыктан кире җавап алу ошый.
Сөйләшергә яратудан тыш, тыңлый да белә. Команда белән эшләгәндә ул үз фикерен дәлилләп, аны яклый, алга сөрә, шул ук вакытта башкаларны да ишетә. Башкаларның фикерен колак аша гына уздырмый ул.
Аерым алганда, Минтимер Шәриповичның тарихи-мәдәни мирасыбызны торгызу эшенә бәйле эшчәнлеге турында да әйтеп китәргә кирәк. Зөяне торгызу эшләрен генә алыйк. Аңа бәя биреп, бу эштә Минтимер Шәриповичның ролен аңлатып бетерерлек тә түгел. Ул тотынганчы биредәге хәлләрнең нинди булуын, эшләр ничек барганын барыбыз да белеп-күреп тордык бит. Аның ихтыяр көче зур эшне башкарып чыгарга булышты. Аннан башка Зөядәге социаль-икътисади, мәдәни планда берни дә чынга ашмас иде. Хыялда Зөядә берәр урын, корылмага аның исемен бирү дә бар әле безнең.
Форсаттан файдаланып, Минтимер Шәриповичка күркәм юбилее алдыннан ныклы сәламәтлек һәм озын гомер телисе килә. Безнең ярату һәм хөрмәтне тоеп яшәсен иде. Без аның Татарстан мәдәнияте, динара татулык, гомумән, республика яшәеше өчен башкарган тиңсез хезмәтен беләбез. Ул эшләр кешеләрнең йөрәгендә, күңелендә, аңында. Ә күңелдәгесе югалмый ул.
АнонимКирәкми!Пионерияне кайтарырга кирәкме?
Загрузка ...
