Казанда бензин бәяләре төшкән

8-15 апрельдә Казанда АИ-92, АИ-95 һәм АИ-98 маркалы бензиннарның бәяләре төшүе күзәтелә.

Шул вакытта АИ-92 маркалы бензинның литры 3 тиенгә төшкән һәм 46 сум тора, ә АИ-95 маркалысы 28 тиенгә арзанайган яки 49,5 сум булган. Бу турыда Татарстанстат сайтында хәбәр ителә.

Бер атнада АИ-98 маркалы бензин 29 тиенгә төшкән. Хәзер бу ягулыкның бер литры 58,8 сум тора.

8-15 апрельдә дизель ягулыгының литры 29 тиенгә арткан. Хәзер аның бер литры 51,9 сум тора.

 


Фикер өстәү