Роспотребнадзорның Татарстан буенча идарәсе җитәкчесе урынбасары Любовь Авдонина журналистлар белән очрашу вакытында республикада Җиңү көне ничек узачагы турында сөйләде.
Бәйрәм чараларында катнашучылар өчен битлек кию режимын сакларга киңәш ителә.
— Оештыручылар ветераннарга битлек таратачак, су белән тәэмин итәчәк. Сәламәтлек саклау министрлыгы белән ветераннарны бәйрәм чараларына 7 көн кала күзәтү мәсьәләсен хәл итәбез, — диде Любовь Авдонина.
Бәйрәмдә катнашучылар коронавируска каршы прививкалы булырга яки соңгы ярты елда коронавирус белән чирләве турында раслаган белешмәле булуы кирәк.
Ә «Үлемсез полк» йөреше вакытында социаль дистанцияне сакларга кирәк булачак.
