Бүген Татарстан циклонның тыл өлеше йогынтысына эләкте. Шунлыктан республикада салкын һава торышы сакланды, күпчелеп районнарда кар яуды.
Алдагы көннәрдә һава торышы үзгәрәчәк, дип хәбәр итә Татарстанның Гидрометеорология үзәге матбугат хезмәте.
6 майда аязучан болытлы һава, көнчыгыш районнарда җепшек кар явуы ихтимал. Көндез төньяк-көнбатыштан көчле җил исәчәк, аның тизлеге секундына 15-18 метрга кадәр җитәргә мөмкин. Төнлә 0..-5 градус, көндез +7..+12 градус булачак.
7 һәм 8 майда һава торышы антициклон йогынтысында формалаша. Явым-төшемнәр көтелми, көннәр җылына башлый.
Шимбә көнне төнлә 0..+4 градус, көньякта һәм көнчыгышта – 0..-4 градуска кадәр салкын булачак. Көндез +13..+18 градуска кадәр җылытачак.
Якшәмбе көнне төнлә +1..+6 градус, көньякта һәм көнчыгышта 0..-2 гардус салкын, көндез +16..+21 градус җылы булыр дип көтелә.
9 майда Татарстанда явым-төшемнәр көтелми. Көнчыгыш районнарда гына бераз яңгыр яварга мөмкин. Төнлә +2..+7, көндез +15..+20 градус җылы булачак. Тик 10 майдан яңгырлы һава торышы кире кайтыр дип фаразлана. Төнлә +3..+8, көндез + 11..+16 градус җылылык көтелә.