Казанның Имәнлек урамында урнашкан бер кибеттә булган фаҗигә бөтен республиканы тетрәндерде. Инде билгеле булганча, шул кибеттә сатучы булып эшләгән 49 яшьлек Минзәлия Минбаеваны элеккеге ире эш урынына килеп, пычак белән яралый. Хатынның өч баласы әлегә приютта. Без Минзәлиянең дуслары белән сөйләштек.
– Бик акыллы, тыныч хатын иде ул. Балаларын аякка бастырам дип көн-төн эшләде. Без аның белән аралашып тордык. Улының әтисе яман чирдән иртә үлде. Аннан соң ул үзеннән 7 яшькә кечерәк ир белән танышып, яши башлады. Бер-бер артлы ике кыз тапты. Әмма бу иреннән бик зарлана иде. Кул күтәргәнен яшермәде. Ипотекага ике бүлмәле фатир да алган гына иде әле. Балалары хакына таяка таянып кына булса да йөрсен иде, – ди танышы Лилия Әхмәтҗанова.
Минзәлиянең олы улына 15 яшь. Ул быел 8 нче сыйныфны тәмамлаган, ике кызы икенче сыйныфка күчкән. Без улының сыйныф җитәкчесе белән дә элемтәгә кердек.
– Минзәлия балаларын ялгыз үстергәч, аларга ярдәм гел кирәк иде. Бу хәл булгач та ярдәм итәргә алындык. Әлегә балалары приютта. Башта алар янына барабыз, аннары әниләрен күрәчәкбез. Картамда җыйган акчалар да бар. Шуларны тапшырырга кирәк. Минзәлиягә берничә операция булуын беләбез. Әмма аяклары параличланган. Шуңа да аны башка хастаханәгә күчерергә тиеш иделәр, – ди Елена Тереньева. – Үзен күреп сөйләшмичә, әллә ниләр әйтеп булмый. Без сабыйларның да, аларның әниләренең язмышын да күзәтеп, кайгыртып торачакбыз. Әлегә акча җыюны дәвам итәбез.
Булышырга теләүчеләр өчен Елена Александровна Терентьева исемендәге Саклык банкы картасы 89172917785 телефон номерына беркетелгән.
Гөлгенә ШИҺАПОВА
АнонимЭлфизэ, молодец!«Безгә килеп күрегез!»: тавыш бирү этабы башлана (өченче бишлек)
Загрузка ...
