Татарстанда 5 яшьлек малай үлгән

Идел елгасында 5 яшьлек малай батып үлгәннән соң, Тикшерү комитеты җинаять эше ачты. Бу хакта Татарстан буенча Тикшерү комитетының матбугат хезмәтендә хәбәр иттеләр.

Алдарак Казанда Водников урамы, 56 нчы йорт тирәсендә бер баланың батып үлүен язганнар иде.

Малайның мәетен узып баручы кешеләр судан чыгарган.

Билгеле булганча, малай олы апасы белән уйнап йөргән. Кыз берничә минутка читкә китеп тора, ә энесен эзли башлагач, аның яр буенда калган аяк киемнәрен генә күрә. Кыз узып баручыларга ярдәм сорап мөрәҗәгать итә һәм алар баланың гәүдәсен судан алып чыга.

Татарстан Тикшерү комитеты мәгълүматлары буенча, саксызлык буенча кеше үлеменә китерү маддәсе буенча җинаять эше ачылган.

/Татар-информ


Фикер өстәү