Матурлык турында сөйләшүебезне дәвам итеп, бүгенге «Ни хәл?» сәхифәсе кунаклары – чибәр затларның фикерләрен белештек. «Чибәрлек туйда гына кирәк» дигән әйтем белән килешәме алар?
Фәйрүзә Мәҗитова, «ТНВ» телеканалы алып баручысы:
– Мин бу фикер белән килешәм. Ир-атка гаиләсен кайгыртып, тормыш алып бару өчен акыл, күңел һәм иман байлыгы, юмор, җитезлек, кайгыртучанлык кебек сыйфатлар тышкы матурлыкка, чибәрлеккә караганда күбрәк кирәк. Күңеле бай булган, үз гаиләсенең тоткасы булган ир-ат ул – иң матур кеше!
