Башкортстанда ана кешегә хата буенча Украинада махсус операциядә катнашучы улының үлеме турында хәбәр иткәннәр. Егетнең үлеме турындагы хәбәрне Куюргазы районы хакимияте башлыгы Юлай Ильясов алып килгән. Ул ананың кайгысын уртаклашкан. Ләкин соңрак егетнең исән булуы ачыклана.
Түрә хатасы турында социаль челтәрләрдә үзе сөйләгән. Ул военком белән бергә ана кеше янына Таймасово авылына килгән дип язалар. Анадан һәлак булучы белән ДНК-идентификация өчен кан алганнар.
«Ана кешене ашыгыч ярдәм машинасында алып киттеләр, күз яшьләре агылды. Ә улы үзе шалтыратты һәм исән булуын әйтте! Хата килеп чыккан. Икенче солдат булып чыкты», — дип хәбәр итте район башлыгы.
Ул шулай ук кайгы килгән һәм уллары Украинада махсус операция вакытында һәлак булган аналарның һәм әтиләрнең кайгысын уртаклашты.
Телеграмда безнең каналга кушылыгыз: https://t.me/vatantat