«Пятерочка»да янгын чыгып берничә кеше үлгән

Мәскәү өлкәсендә «Пятерочка» кибетләр челтәренең берсендә янгын чыгып ике кеше һәлак булган. Бу хакта «Лайф» яза.

Фаҗига Кольцева урамында урнашкан кибеттә булган. Янгын 40 квадрат метр мәйданга таралган. Утны 13:21ләр тирәсендә сүндерәләо, ә янгын турында мәгълүмат коткаручыларга якынча 12.00 сәгатьтә килеп ирешкән була.

«Лайф» язуынча кибет янында ким дигәндә тугыз янгын сүндерү машинасы булган. Гадәттән тыш хәлләр министрлыгы ике кешенең үлеме турындагы мәгълүматны раслаган.

Янгынның сәбәпләре әлегә билгеле түгел.


Фикер өстәү