Халыкның валютадагы саклык акчасы рекордлы күрсәткечкә җиткән

Россиядә яшәүчеләрнең чит ил валютасындагы саклык акчасы 1,4%ка артып, рекордлы күрсәткечкә – 226,6 миллиард долларга җиткән. Бу хакта “РИА Новости” Үзәк банк мәгълүматларына таянып хәбәр итә.

Саклык акчасының яртысы чамасы валютага туры килә. Агымдагы елның беренче аенда гына аның күләме 1,5%ка артып, 105,4 миллиард долларга җиткән. Бер ел эчендә әлеге сумма 21,6 миллиард долларга арткан.
Валютадагы акчаны чит илләр банкларында саклаучылар да байтак. Илебездә яшәүчеләрнең валютадагы байлыгының 29%ы чамасы шуларда “ята”. Россиядә яшәүчеләр бер ай эчендә генә дә чит илләрдәге счетларына 2 миллиард доллар күчергән. Гомумән, чит ил банклары депозитларында “ятучы” валюта 3%ка артып, 66,5 миллиард доллар тәшкил иткән.

Шул ук вакытта, Үзәк банк мәгълүматларына караганда, Россия банкларындагы валюта счетлары кимүен дәвам итә. 2023 елның беренче аенда алар тагын 0,8 процентка азайган.


Фикер өстәү