Исәнме әни! Махсус хәрби операциядә катнашкан Рәйхан Сибгатуллин туган ягы – Зәй районының Суык чишмә авылы туфрагына аяк басты.
Егет кайтуы хакында әнисенә алдан әйтмәгән. Узган елның сентябрендә мобилизацияләнгән Рәйхан турында кайгылы хәбәрләр шөкер, ялган булып чыкты. Очрашыр көнне көткән әнисенең ниләр кичергәнен ул үзе генә аңлый. “Киткәндә Аллаһ боерса, кайтачакмын, дигән идем. Менә кайтулар насыйп булды”, – ди бәхетле ананың батыр улы.
Телеграмда безнең каналга кушылыгыз: https://t.me/vatantat