Смоленск өлкәсендә укытучы икенче сыйныф укучысын үз-үзен үтерү омтылышына кадәр җиткерүдә шикләнә. Бу хакта Baza телеграм-каналы яза.
Басма мәгълүматлары буенча, 8 яшьлек Ильяга (исеме үзгәртелде) ниндидер сәбәп буенча башлангыч сыйныф укытучысы ачуланган. Ул балага бәйләнгән, мөмкин булган бөтен нәрсә өчен тәнкыйтьләгән, шулай ук даими рәвештә аны рәнҗеткән. Нәтиҗәдә Илья түзмәгән һәм үз-үзенә кул салу турында сөйли башлаган.
Малайның куркыныч уйлары турында башка олылар да белеп алган. Телеграм-канал мәгълүматлары буенча, педагогка карата «суицидка кадәр җиткерү» буенча җинаять эше кузгатканнар. Хатын-кызга си 8дән 15 елга кадәр колония яный.
Ни өчен бала укытучыга шулкадәр нык ошамаган, әлегә аңлашылмый.
