Мәскәү өлкәсендә тагын ике пилотсыз аппарат төшкән

Бүген иртән Наро-Фоминск шәһәренең Калининец бистәсенә ике пилотсыз аппарат төшкән. Бу хакта өлкә губернаторы Андрей Воробьев Телеграм каналында хәбәр итте.

«Бүген 5:30 һәм 5:50 сәгатьләрдә самолет тибындагы ике аппарат хәрби частьләрнең берсенең складларына якынлашканда хәрбиләрнең каршылыгы нәтиҗәсендә төште. Җимерекләр һәм зыян күрүчеләр юк», – диелә хәбәрдә.

Хәзер әлеге урын әйләндереп алынган, һәм анда махсус хезмәтләр эшли, тикшерү алып барыла.


Фикер өстәү