Көньяк Африка республикасының Йоханнесбург шәһәрендәге күпкатлы йортта бик көчле янгын булган, дип хәбәр итә ТАСС.
Башлангыч мәгълүматларга караганда, янгында 47 кешенең гомере өзелгән, унысына зыян килгән.
Шәһәр хакимияте агентлыкка һәлак булучылар турында мәгълүматны раслаган.
Хәзерге вакытта янгын сүндерелгән. Белгечләр афәтнең сәбәпләрен ачыклый.
