Лаеш районы башлыгы Илдус Зарипов махсус операциядә катнашучыларның әниләре янына барып, улларыннан котлау сүзләрен җиткерде. Бу хакта Лаеш районы матбугат хезмәтендә хәбәр иттеләр.
Зарипов хатын-кызларга батыр улларын тәрбияләгән өчен рәхмәт белдерде һәм аларга игелек, бәхет һәм мәхәббәт теләде. Әниләр көнен бәйрәм итү кысаларында һәр хатын-кызга чәчәк бәйләме һәм күчтәнәчләр әзерләнгән иде.
Шулай ук Лаеш мәдәният йортында бәйрәм концерты да оештырылды. Районда 1 меңнән артык күп балалы гаилә яши, аларда 3,3 меңнән артык бала тәрбияләнә. Бер гаилә «Родительская слава» ордены, тагын сигез гаилә — «Ана даны — Материнская слава» медале белән бүләкләнде.
Телеграмда безнең каналга кушылыгыз: https://t.me/vatantat