Казанда чыршы сата торган 24 мәйданчык ачылган.
Казанда 20 декабрьдә чыршы базарлары ачыла башлады. Шәһәрнең 24 мәйданчыгында, гадәттәге чыршыдан тыш, нарат, ак чыршы һәм башка мәңге яшел агачлар сатып алырга мөмкин. Сатуга бары тик махсус питомникта үстерелеп, тиешле документларга ия булган агачлар гына чыгарыла. Быел чыршы бәясе – 400 сумнан, нарат – 450, пихта бәясе – 2,5 мең сумнан башлана.
Яңа ел чыршысын сату мәйданчыклары адреслары белән бүлешәбез:
Авиатөзелеш районы: Академик Павлов ур, 1; Беломорская һәм Гудованцев урамнары чатында; Дементьев ур.,7.
Идел буе районы: Кулагин ур., 6; Зорге ур., 68; Мәүлетов ур., 17; Фучик ур., 72 һәм 105 В.
Вахитов районы: Шаһиди ур., 24, Чехов ур., 3/7.
Киров районы: Батыршин ур., 20; Революция ур., 12.
Мәскәү районы: Декабристлар ур. 114, Декабристлар ур., 150. Ямашев пр., 17.
Яңа Савин районы: Адоратский ур., 21 А; Лаврентьев ур., 10; Ямашев пр., 92А.
Совет районы: Сахаров ур., 13 А; Зәкиев ур., 12; Карбышев ур., 15; Ломжинская ур.,2; Пионер ур., 9А, Родина ур., 33А.
Телеграмда безнең каналга кушылыгыз: https://t.me/vatantat