Югары Ослан районында яшәүче кеше үтерүдә гаепләнә. Бу хакта Татпрессаа.ру хәбәр итә.
31 декабрьдә 46 яшьлек ир 45 яшьлек дустына килгән. Кәеф-сафа корып утырганда ир-атлар арасында низаг чыккан. Ярсыган ир дустына берничә тапкыр бик каты итеп суккан. Зыян күрүче алган тән җәрәхәтләреннән үлгән, ә гаепләнүче җинаять урыныннан качкан. Мәрхүмнең мәетен берничә көннән соң гына табып алганнар. Гаепләнүче кулга алынган.
Телеграмда безнең каналга кушылыгыз: https://t.me/vatantat