Хатыныңны бәхетле итү серләре

* Эшеннән яисә башка җирдән өенә кайтканда, ир кеше гүзәл йөз белән керергә, кулы белән күрешеп, гаиләсенә сәлам әйтергә тиеш.

* Хатыны белән мөлаем итеп сөйләшергә, хатынның хәлләрен сораштыру тиешле. Хатынын ул ярата торган исемнәр белән чакырырга, дәшәргә кирәк.

* Ирләргә хатыннарын иркәләргә, аның белән уйнарга кирәк. Өйгә кайтканда да, киткәндә дә үбеп китү комачау итмәс.

* Ир хатынына өй эшләрендә булышырга тиеш. Хатыны бәби көткәндә аеруча да.

* Иргә хатын белән һәрвакыт киңәшләшергә кирәк.
* Ир кеше сәфәргә чыкканда, хатыны белән матур итеп саубуллашырга, күбрәк акча калдырып китәргә, кайтканда бүләкләр алып кайтырга тиеш.

* Бер-берсенең серләрен сакларга тиешләр. Пәйгамбәребез Мөхәммәд (с.г.в.): «Аллаһ каршында иң зур әманәт – ир белән хатын арасында булган серләр», – ди.

* Хатынына нәсыйхәт, гыйлем бирү, өйрәтү, тәҗрибә алышу хуплана.


Фикер өстәү