Путин Көнбатышның кайсы илдән күбрәк куркуын әйтте

Көнбатыш көчле Россиягә караганда көчле Кытайдан күбрәк курка, дип АКШ журналисты Такер Карлсонның соравын төзәткән Россия Президенты Владимир Путин.

СССР таркалганнан соң, АКШ белән Россия арасындагы мөнәсәбәтләр турында сөйләшкәндә, журналист: «Көнбатыш көчле Кытайдан курыкмый, бәлки, көчле Россиядән куркадыр?» – дип сорады.

Владимир Путин әйтүенчә, Көнбатыш көчле Россиягә караганда көчле Кытайдан күбрәк курка.

– Россиядә – 150 миллион, ә Кытайда – 1,5 миллиард кеше яши. Кытай икътисады зур адымнар белән үсә – елына биш проценттан да артык, әле күбрәк тә иде. Кытайга бу да җитә, – дигән дәүләт башлыгы.

Фикерен дәвам иттереп: «Кытай АКШны да узып китте һәм күптән инде», – дип тә өстәгән Владимир Путин. Ике сәгатьлек әңгәмә Кремль сайтында бар.


Фикер өстәү