Тимер юл аша чыкканда машина сүнеп калган.
Яшел Үзән районы Красный Яр авылында тимер юл кичүендә җиңел машина поезд белән бәрелешкән. Бу хакта “KazanFirst” социаль челтәрләрдәге мәгълүматларга таянып яза.
“Кia” тимер юл аша чыкканда поезд астында калган. Кадрлардан күренгәнчә, машинага җитди зыян килгән.
Бу хәлне үз күзләре белән күрүчеләр әйтүенчә, машина тимер юл аша чыкканда сүнеп калган. Йөртүчесе “авто”дан чыгып качарга өлгергән. Зыян күрүчеләр юк.
