Рөстәм Миңнеханов татарстанлыларны янгын куркынычсызлыгы чараларын үтәргә чакырды

Татарстан Рәисе Рөстәм Миңнеханов эссе һава торышы фонында республика халкын янгын куркынычсызлыгы чараларын үтәргә чакырды. Бу хакта ул телеграм-каналында язган, дип хәбәр итә «Татар-информ«.

«Дуслар, атна дәвамында республикада эссе һава торышы көтелә. Игътибарлы булыгыз, бигрәк тә урманнарда янгын чыгу куркынычы зур. Сак булыгыз! Янгын куркынычсызлыгы чараларын үтәгез», – диде республика җитәкчесе.

Искәртеп узабыз, бүген ТР Гидрометеорология һәм әйләнә-тирә мохитне күзәтү идарәсе төбәк территориясендә урманнарда янгын куркынычы югары булуы турында кисәтү игълан итте. КФУ профессоры, география фәннәре докторы Юрий Переведенцев хәбәр иткәнчә, Казанда алдагы декадада уртача тәүлеклек температура климатик нормадан 4-6 градуска югарырак булачак.

 


Фикер өстәү