Эмиль ТАЛИПОВ: Бик каты яралаган — хыянәт

Уйламый әйтелгәне дә, әйтелми калганы да куркыныч. Сүзнең көче дә, тәэсире дә зур – моны һәркем белә, әмма кайчак тиешенчә бәяләми. Сәхифәбездәге әлеге сорауҗавап тормыштагы әһәмиятле сүзләргә багышлана. Бу юлы без Камал театры актеры, Татарстанның атказанган артисты Эмиль ТАЛИПОВ белән сөйләштек.

:: Иң кадерле сүз?

– Ихластан, яратып әйтелгән сүзләр. Мәсәлән, «Аллаһ», «Әни» сүзләре.

:: Бирешкәндә тартып торгызган сүз?

– Кирәк. Бу сүз авыр чакта ниндидер көч бирә. Һәм Коръән сүзе. Коръәндә: «Һәр авырлыктан соң җиңеллек килә», – дигән аять тә бар.

:: Бик каты яралаган, рәнҗеткән сүз?

– Хыянәт.

:: Әйтәсе килеп тә әйтә алмый калган сүз?

– Әйтелсә, хәерле булсын, әйтелмәсә, хәере белән булсын.

:: Бүген, хәзер ишетәсе килгән сүз?

– Җылы сүз. Бүген генә түгел, адәм баласына, гомумән, җылы сүз кирәк.


Фикер өстәү