Кичә Чаллы шәһәренең Машина төзүчеләр урамында “автошкола”ның “Лада Гранта” машинасына ут капкан. Бу хакта “Татар-информ” Россия МЧС Татарстан буенча Баш идарәсе мәгълүматларына таянып яза.
Машинадагы ике кеше 1-2 дәрәҗәдә пешкән. Аларны Ашыгыч медицина ярдәме хастаханәсенә озатканнар. Коткаручылар 4 квадрат метр мәйданга җәелгән янгынны сүндергән.
Башлангыч мәгълүматларга караганда, гадәттән тыш хәлнең сәбәбе – транспорт чарасының төзексезлеге.
