Гыйнвар – июль ае йомгаклары буенча Татарстан туучылар саны иң күп булган төбәкләр рейтингында 8 нче урынга чыккан.
Росстат мәгълүматларына караганда, республикада 7 ай эчендә барлыгы 20,2 мең бала дөньяга килгән. Рейтингта Мәскәү (70,1 мең бала) беренче урынга чыккан. Мәскәү өлкәсе (41,7 мең сабый) икенче урынны алган. Краснодар крае (29,5 мең) – өченче. Беренче бишлеккә шулай ук Санкт-Петербург (27,4 мең) һәм Төмән өлкәсе (24,8 мең) кергән.
Ә менә 275 сабый дөньяга аваз салган Ненец автономияле округында, Чукотка (304) һәм Магадан өлкәсендә (574) бу чорда туучылар саны барысына караганда да кимрәк булган.
Телеграмда безнең каналга кушылыгыз: https://t.me/vatantat