Дәүләт Думасының Мәгълүмати сәясәт комитеты чайлдфри идеологиясен пропагандалау буенча тыюны бозган өчен административ җәзага тарту закон проектын хуплады. Бу турыда РИА Новости хәбәр итә.
Гражданнарга – 50 меңнән 100 мең сумга кадәр, вазифаи затларга – 100 меңнән 200 мең сумга кадәр, юридик затларга 800 меңнән 1 млн сумга кадәр штраф рәвешендә җәза бирмәкчеләр.
Әлеге тыюны массакүләм мәгълүмат чараларында яки интернетта бозучы гражданнар – 100 меңнән 200 мең сумга кадәр, вазифаи затлар – 200 меңнән 400 мең сумга кадәр, юридик затлар 1 млн сумнан 4 млн сумга кадәр штрафка тартылырга мөмкин.
Чайлдфри пропагандасы балигъ булмаганнар арасында күзәтелсә, гражданнарга – 100 меңнән 200 мең сумга кадәр, вазифаи затларга – 200 меңнән 400 мең сумга кадәр, юридик затларга 1 млн сумнан 2 млн сумга кадәр штраф түләтү тәкъдим ителә.
Шундый ук гамәлләр интернет яки массакүләм мәгълүмат чараларын җәлеп итеп башкарылса, штрафлар тагын да артачак. Бу очракта гражданнар өчен – 200 меңнән 400 мең сумга кадәр, вазифаи затлар өчен – 400 меңнән 800 мең сумга кадәр, юридик затлар өчен 2 млн сумнан 5 млн сумга кадәр күләмдә штраф каралган.
Телеграмда безнең каналга кушылыгыз: https://t.me/vatantat