Бүләкләү тантанасында әтиләрне Россия эстрадасының танылган артистлары котлаган.
“Мәскәү” концертлар залында Бөтенроссия Әтиләр көне уңаеннан бүләкләү тантанасы узган. Анда Россия Герое Айнур Сафиуллинның әтисенә дә “Солдат әтисе” медале тапшырылган.
Айнур Сафиуллин махсус хәрби операция барышында зур батырлык һәм каһарманлык күрсәткән. Ул һөҗүм отряды белән, 3 сәгатьтән артыграк вакыт дәвамында дошманның контрһөҗүменә каршы торып, куелган барлык бурычларны югалтуларсыз үтәгән һәм торак пунктны азат иткән.
Бүләкләү тантанасында әтиләрне Полина Гагарина, Сергей Галанин, Родион Газманов, Александр Маршал, Валерия кебек Россия эстрадасының танылган “йолдызлары” котлаган.
Телеграмда безнең каналга кушылыгыз: https://t.me/vatantat