Пәнҗешәмбе – 31 октябрьдә Татарстанда янә яңгыр һәм юеш кар көтелә. Республиканың кайбер районнарында явым-төшем шактый ук көчле булачак.
Гидрометеоүзәк фаразларына караганда, көньяк-көнбатыштан секундына 13 метр, урыны белән 21 метрга кадәр тизлектә җил көтелә. Көндез термометрның терекөмеш баганасы 0…+5 градус күрсәтәчәк. Юлларда урыны белән бозлавык барлыкка килергә мөмкин.
Телеграмда безнең каналга кушылыгыз: https://t.me/vatantat