Татарстан Рәисе Рөстәм Миңнеханов иң лаеклыларга республикада граждан җәмгыяте институтларын үстерүгә өлеш керткән өчен премияләр тапшырды. Тантана Казан Кремлендә узды. Әлеге премия 2015 елдан башлап ел саен тапшырыла.
– Соңгы елларда безнең җәмгыять үзенең ни дәрәҗәдә җитлеккән булуын күрсәтте һәм дәүләтебезнең чын терәгенә әйләнде. Шунысы куанычлы: хәйриячелек һәм волонтерлык оешмалары саны елдан-ел арта. Кешеләрнең тормышын яхшы якка үзгәртә, социаль проблемаларны хәл итәргә һәм традицион рухи-әхлакый кыйммәтләрне ныгытырга мөмкинлек бирә торган социаль әһәмиятле проектлар гамәлгә ашырыла. Бүген без аеруча алдынгы иҗтимагый хәрәкәт вәкилләрен хөрмәтлибез, – диде Рәис, премия ияләрен котлап.
Телеграмда безнең каналга кушылыгыз: https://t.me/vatantat