2025 елның беренче эш атнасында нибары ике эш көне булачак. Бу хакта “Роструд”ка сылтама белән ТАСС агентлыгы хәбәр итә.
“Бәйрәмнәрдән соң беренче эш атнасында россиялеләр 9 һәм 10 гыйнварда эшләячәк, алар пәнҗешәмбе һәм җомгага туры килә”, – дип искәртәләр ведомствода.
Яңа ел бәйрәмнәре – 11 көн. Алар 29 декабрьдә башланып, 8 гыйнварга кадәр дәвам итәчәк.
Киләсе кыскартылган эш атнасы май бәйрәмнәре алдыннан булачак (28-30 апрель һәм 5-7 май көннәре).
Телеграмда безнең каналга кушылыгыз: https://t.me/vatantat