Казанда чаңгы узышлары буенча Россия Кубогының бишенче этабы уза. Ярышларда илнең төрле төбәкләреннән 300дән артык спортчы чыгыш ясый.
Беренче көнне хатын-кызлар – 10, ир-атлар исә 15 чакрымлы дистанциядә узышты. Тәүге ярышта финишка беренче булып, Олимпия чемпионы, Татарстан вәкиле Наталья Терентьева килде. Вологда өлкәсеннән Алина Пеклецова – икенче, Төмәннән Екатерина Смирнова өченче булды.
Ир-атлар ярышында янә Татарстан вәкиле беренче урынны алды: җиңүче – Савелий Коростелев. Икенче һәм өченче урыннарда – Төмән өлкәсеннән Артем Мальцев һәм Денис Спицов.
Россия Кубогының бишенче этабы 19 гыйварда тәмамлана.
Телеграмда безнең каналга кушылыгыз: https://t.me/vatantat